SIBU: Gerempung Nembiak Dayak Sarawak (PEBEDAS) deka ngatur Makai Lemai Pengasih Dayak PEBEDAS ba Hotel Paramount ditu kena 13 Disember ti deka datai pukul 6.30 lemai.
Pengari komiti pengatur madah, pengerami nya deka dipenyadi Ketuai Sekretari Politik Kepala Menteri ti mega Kaban Kunsil Nengeri (ADUN) Semop Abdullah Saidol.
“Rambai jaku pengerami lemai nya ila iya nya ‘Malam Etnik’ alai bala mayuh ke bisi datai maya tu deka diperindang Gabriel Fairuz Louis enggau Daniel Federick Sut.
“Pengawa bukai ke bisi diatur berebak enggau nya nyengkaum ‘permaidani merah’, tanda asal, bejadi Wang Turu Pengasih Dayak enggau lagu ke dipelanja,” pia ku iya madah ngagai pengarang berita ditu, empai lama tu tadi.
Ku iya, tikit mija makai dijual entara rega RM500 nyentuk ke RM700 sebuah mija.
Barang sapa ke deka meli tikit mija anang laun madah ngelui ari 12 Disember tu.
Penerang ke silik tau ditanya ngagai Dalas Robert nengah lumur 013-8450934 tauka Jacqueline Injan (019-8288878).