SIBU: Raban nembiak mengkang ditesau ngambi bagi ba pekit Futsal Trupi Merdeka 2013 ke diatur Pampang Nembiak Kunsil Nengeri (DUN) Tamin.
Nitihka dipadah chairman komiti pekit Henry Kanyan, pekit nya deka diatur ba Gelanggang Futsal Sekuau kena 1 September tu.
“Tuju pekit tu laban deka ngerekaika pengidup ti bepengerai ba raban nembiak,” ku iya maya dikerandau pengarang berita, kemari.
“Pekit tu berambaika jaku ‘Tentera dan Rakyat Berpisah Tiada’ deka dipenyadika Panglima 9 Briged Brigadier Jeneral Muhammad Daniel @ Damien Abdullah,” ku iya.
Champian deka mai pulai perais mata duit RM700, midul enggau trupi lalu lumur dua mai perais mata duit RM500, midul enggau trupi.
Penuduk lumur tiga deka mai perais mata duit RM300, midul enggau trupi lalu perais mata duit RM100 enggau hamper deka diempu tim ba penuduk lumur empat.
Penerang silik nyengkaum ngerijister tim tau ditanya ngagai Henry nengah lumur 013-8119272.