JULAU: Zon Julau megai gelar champian ba Kojohanan Balapan dan Padang Pembangunan, Majlis Sukan Sekolah-sekolah Rendah (MSSR) Daerah Julau 2013, empai lama tu tadi.
Pekit ke diatur ba Stadium Mini Pakan belabuh ari 27 ngagai 28 Ogos nya betuaika Zon Pakan.
Bela bisi ngambi bagi ba pekit serak tu iya nya Zon Pakan, Zon Entabai, Zon Dayu enggau Zon Engkamop.
Penuduk lumur dua Zon Pakan lalu Zon Entabai ba penuduk lumur tiga.
Kelimpah ari nya Zon Engkamop dipadu champian ba pekit ‘Kawad Kaki’ lalu ditangkan Zon Pakan lumur dua enggau Zon Entabai sekali agi ba penuduk lumur tiga.
Zon Julau sekali agi berasai temegah ati sepengudah Edwin Simon enggau Jerry Masing dipadu nyadi Olahragawan 10 taun kebaruh enggau 11 taun ke baruh kelimpah Vanessa Sheela dipilih nyadi Olahragawati 11 taun ke baruh.
Senia Bakit ari Zon Engkamop dipadu nyadi Olahragawati 10 taun ke baruh.