MIRI: Seiku lelaki udah dilempai ukum jil enam bulan olih Kot Majistret ketegal penyalah ngenchuri tung gis.
Abdollah Sani, 42, ari Pujut Tanjung Batu 2A ngaku salah ba atas tuduh Seksen 380 Kanun Keseksaan ke dibacha begulai enggau Seksyen 34 kanun ke sebaka ke ngungkup ukum jil 10 taun enggau ukum mata duit enti salah.
Bepelasarka tuduh kes, orang ke dituduh tu ditemu ngenchuri sigi tung gis bechura kuning rega RM140 ke dijaga Ng Woon Yik.
Iya dituduh ngereja penyalah nya enggau seiku orang ke mengkang digiga piak bekuasa pukul 4 lemai, 26 Ogos tu tadi di kedai Bo Eight Tea, Permyjaya.