SRI AMAN: Seiku nembiak lelaki nyau digenggam semengat pengudah mutosikal ke ditepan iya belantak enggau sebuah kerita perodua kancil di simpang nuju ngagai Kampung Hilir, Sri Aman urung pukul 11.30 pagi kemari.
Ku penerang, perodua kancil ke dikena seiku indu dipechaya datai ari Bandar Sri Aman deka tama simpang ngagai Kampung Hilir sebedau belantak enggau sebuah mutosikal ke dipenggau nembiak lelaki nya.
Nembiak nya dipechaya beasal ari Kampung Hilir kenu deka pansut ari simpang genturung pendiau nya laban deka ngambi menyadi iya pulai ari sekula enda jauh ari nya.
Ketegal balat bebadi iya lalu ditanaka ngena ambulans ngagai Sepital Sri Aman.
Ku penerang nya baru deriba kancil nya nadai nenama taja pan kerita iya balat keremping muak ke mua.
Berebak enggau nya bisi peranak ke dikerandau, kes aksiden suah nyadi ba kandang endur nya.