NGELEMPUNGKA PENUSAH: Mauh (lima kanan) nyuaka bantu ari Komuniti 1Malaysia Sekuau enggau Selangau ngagai TR Das Jerman, ensana.
SIBU: Bala ke ditinggang penusah angus ba Rumah Das Jerman di Stapang mengkang nerima penyiru ari mensia mayuh.
Sekeda ari sida ke lempung jari besuaka bantu iya nya Komuniti 1Malaysia Sekuau enggau Selangau ti datai betemu enggau bala dia kilah ensana.
Komuniti 1Malaysia Sekuau enggau Selangau bisi nyuaka bantu RM2,000 ngagai sida.
Bantu nya disuaka Kaban Kunsil Nengeri (ADUN) Tamin Joseph Mauh Ikeh ngagai Tuai Rumah Das Jerman ba Palan Servis Parlimen Selangau enggau DUN Tamin di Stapang.
Bela bisi datai maya pengawa tu iya nya Penghulu Jerampang Ratoh, Penghulu Michael Jelani enggau Penghulu Balai Gara.
Kena 14 Ogos tu tadi, rumah panjai 40 pintu nya dituntung penusah angus urung pukul 1.30 lemai.
Penusah tu kedua kali nuntung rumah panjai nya sepengudah ba taun 1990 suba.