SRI AMAN: Pengawa ngemanah apak pejalai kaki ke tekerap ti nyambung Taman Panorama Benak enggau Taman Tebing Batang Lupar, Sri Aman dipe-pala deka digaga enda lama agi.
Menteri Muda Pemansang Menua Pesisir enggau Pengawa Berumah, Datuk Francis Harden Hollis madah, pengawa ngemanah sereta ngemetulka apak pejalai kaki nya dianggarka RM480,000 lalu dijangka tembu bulan September tu.
Ku iya, duit ungkup ngemujurka projek nya udah dikemendarka Opis Parit Enggau Entali Ai (DID) Sri Aman bulan Mach suba.
Harden ke mega Kaban Kunsil Negeri (ADUN) Simanggang bejaku munyi nya ngagai pemberita lebuh ngelawa apak ke tekerap nya empai lama ke udah.
Apak pejalai kaki nya diriputka tekerap lebih ari enam bulan ke udah.
Harden madah, pengawa ngadu endur ke tekerap nya beguna bendar lebih agi nyerumba Pesta Benak Sri Aman 2013 kena 18 Oktober ila.
“Aku ngelalau peranak Sri Aman bejejimat maya nengah kandang endur ke tekerap nya diatu,” ku iya.
Bisi bisi nyempulang atur pengawa nya, injinir DID Sri Aman, Normah Yusni binti Mohd Annnuar, Kapitan Kuek Aik Seng, Kapitan Tay Siew Chuan engau mandal Pemuda SUPP N.27 Simanggang, Patrick Michael Malajin.