KAPIT: Semua opis ijinsi perintah, kedai kopi enggau kedai bejual barang bukai, peranak kandang mengeri enggau rumah panjai dilalau ngitang menira Sarawak enggau Jalur Gemilang nyerumba pengerami nyambut Hari Merdeka tauka Hari Merintah Diri enda lama agi.
Kepala Opis Pemadah Kapit Koh Kumbong madah ngitang menira ba raban mensia mayuh deka nyungkakka semengat talukka menua kelebih agi Sarawak ti deka ngintu 50 Taun Merdeka dalam Malaysia.
“Tu mungkur semua aktiviti ke diatur patut disempulang enggau pengawa ngibarka Jalur Gemilang enggau menira Sarawak ba sesebengkah pengerami.
“Ambika chunto baka pengerami bejadika program ‘Kibar Jalur Gemilang’ ke diatur Opis Residen Kapit kena 16 Ogos tu ba Kompleks Nengeri Bletih, Konvoi Mutor Jalur Gemilang enggau pengerami bukai,” ku iya.
Dulu agi ari nya, iya nyuaka Jalur Gemilang ngagai Tuai Rumah Engking.
Sama bisi datai ba pengerami nya Kaban Parlimen Hulu Rajang Wilson Ugak Kumbong, Sekretari Politik Kepala Menteri Wilson Nyabong, orang dagang Iban tebilang Dato’ Kristoffer Nyuak enggau sida ke bukai.