SIBU: Kunsil Sungai-Sungai Sarawak (SRB) kemari madahka, chukup bot ekspres dikena ngangkut penumpang maya pengerami Taun Baru China tu ila.
Taja pia, Kontroler SRB William Jinep ngelalau bala penumpang ngambika merambu pejalai sida.
“SRB bejalaika operasi nagang pengawa ngundan barang ti kelalu mayuh, meresa sentang pengelikun sereta peniki tambang maya musin pengerami baka Gawai Dayak, Hari Raya Aidilfitri, Taun Baru China enggau kemisi sekula maya ujung taun,” ku iya.
Iya mega minta jeragan bot ekspres masang api maya hari jai.
Iya mega ngelalau semua kapal ke nengah sungai nya ngelubahka kapal sida lebuh mansa tanjung ke betiku.