MIRI: Polis Miri Hari Enam tu tadi udah nangkap empat iku lelaki, tiga iku sida nya diri menyadi, ditekan nyengkubang pendam gerija SIB di Morsjaya, dalam pun bulan tu tadi.
Sida empat tu ditangkap di Lopeng ba ngabas kenyit ke dipejalaika CID Miri enggau bala pemesai Unit Nagang Pengawa Salah urung jam 11 pagi.
Semua saspek beumur 16, 21, 22 enggau 31 udah ditan di Balai Polis Sentral Miri ngambika kes nya ditasat.
Maya abas kenyit nya, Polis mega ngerampas bebebrapa barang lekterik, dipechaya dichuri.
Polis mega ngerampas sandak, dipechaya dikena bala sida maya ke nyengkubang pendam.
Seraya nya, Kepala Polis Miri, ACP Mun Kock Keong lebuh ke dikerandau kemari ngesahka pengawa nangkap nya.
Ku iya kes nya ditasat di baruh Seksyen 297 Kanun Keseksaan setegal nujah pendam.
Kena 7 Disember, keruntuk pala mensia bisi ditemu dalam parit, seraya bangkai orang ditemu ba luar pendam pengudah pendam SIB di Morsjaya disengkubang bala ‘bandau nulang’.