MIRI: Perintah besai patut ngemeratka pengawa nyendiaka mayuh agi rumah ke ulih dibeli di Sarawak laban menua tu nyadi deposit tetap Barisan Nasional.
Mandal Ketuai PAS Sarawak, Jofri Jaraiee madah, tu meh maya BN malas pemanah rayat Sarawak ke mengkang arapka parti nya.
“Kami nyukung pengawa perintah ti deka nyendiaka rumah ke ulih dibeli ungkup raban ke patut, tang penyampau nya patut ditambah laban agi mayuh rayat Sarawak bedau bisi rumah kediri empu,” ku iya ditu ensanus.
Tandu iya, perintah besai patut ngungkupka pemadu nadai 100,000 unit rumah ulih dibeli, kena napi penyampau rayat Sarawak ke majak nambah.
“Sida tu bepenatai pemisi mit enggau petengan sereta enda ulih meli rumah enti ukai rumah ungkus baruh ke mit sereta nadai kualiti,” ku iya.
Tambah iya, peminta meli rumah ke ulih beli nya patut diubah ari umur 21-50 taun ngagai 21-55 taun, ke alai penatai pemisi ruang bilik kurang ari RM5,000.
“Tebal agi rumah ke dijual diatu semina ulih dibeli orang ke besai penatai pemisi, orang kaya enggau orang ti beranakka puku.
Raban orang ke bepenatai pemisi petengan enggau mit enda tebelika rumah Iaban rega rumah ti kelalu mar,” ku iya.
Iya arapka perintah besai berunding sereta nyediaka mayuh agi rumah ke ulih dibeli ngagai rayat Sarawak.